I freu mi uhsinnig, dassi eui sitem Juli 2022 jetz au dörf bi mir im Tagesliecht-Studio begrüessä. Für Portraitshootings, oder di erstä Bilder mitemä Neugeborene eignät sich dä Ruhm bsunders guet. Er isch hell und gmüetlich ihgrichtet (ohni grossi G’rätschafte) – äs isch mer sehr wichtig, dass ehr eui uf Ahieb wohl fühled & vor minerä Kamera, ganz eui sälber chönd si.
S’Studio befindet sich a dä Bedastross 24 in Gossau SG. Vorem Huus sind 3 Umschlagparkplätz vorhande, wiiteri Blaue Zone Parkplätz hät’s i dä Stross, oder in churzer Gehdistanz, hinder äm Jumbo (ehemols COOP Bau & Hobby).

I freu mi uf wunderbari Begägnige…