a

über mich

I höckle sehr gärn imenä Kafi & beobachte eifach d’Menschä um mi ume – reise für mis Läbe gärn (und züche äs charmants AirBnB amene Hotelzimmer vor) – bi mengmol chli ungeduldig, aber au neugierig und undernehmigslustig – wenn i chan tue, was i liebä, lächlet mis Herz – han ä Schwächi für hübschi, verspielti Details… und än Ordnigsfimmel – bin am Liebste verusse i dä Natur (mitem Bike, oder z’Fuess) underwägs – stuhne immer wieder über dä Wächsel vo dä Johresziite und s’Spiel vom Liecht – chan immer und überall ihschlöfe (und au mit offene Auge träume…) – bin mitem tollste Mah vo dä ganze Wält verhürotet – g’nüsse d’Ziit mit Familie & Fründe – bin stolzes Gotti vo drü super Jungs.

fotografie

gliicht mich us,

fordert mich kreativ,

fühlt sich liecht und unbeschwärt ah,

öffnet mir d’Augen für s’Schöne,

loht mi träume,

isch für mich ä Härzensahglägeheit,

macht mi sehr dankbar, für alles was d’Natur üs schenkt,

git mer d’Möglichkeit mi usz’drucke,

isch ä Möglichkeit immerwieder liebi Menschä kennäz’lärne (und z’begeisterä)

isch das, was ich immer scho han wölle mache…

verzell mir dini Gschicht...

fotografie@bildhuebsch.ch