I höckle sehr gärn imenä Kafi & beobachte eifach d’Menschä um mi ume – reise für mis Läbe gärn (und züche äs charmants AirBnB amene Hotelzimmer vor) – bi mengmol chli ungeduldig, aber au neugierig und undernehmigslustig – wenn i chan tue, was i liebä, lächlet mis Herz – han ä Schwächi für hübschi, verspielti Details… und än Ordnigsfimmel – bin am Liebste verusse i dä Natur (mitem Bike, oder z’Fuess) underwägs – stuhne immer wieder über dä Wächsel vo dä Johresziite und s’Spiel vom Liecht – chan immer und überall ihschlofe (und au mit offene Auge träume) – han s’Glück, än wunderbare, understützendä & liebevolle Partner a minerä Siite z’ha & mer sind sit zwei e halb Johr Elterä vomenä chliine Zwirbel – g’nüsse d’Ziit mit Familie & Fründe uhsinnig – bin stolzes Gotti vo drü super Jungs.