bildhübsch portraits

Du bisch bildhübsch, gnau so wie du bisch. Wenn du dich wohlfühlsch, chasch losloh, vo Härze lachsch, mir dis Vertraue schenksch und dini Gedanke, ob echt jedäs Höörli perfekt sitzt? chasch vergässe (für das bin jo ich doh!)

Du dörf eifach ganz du sälber si...

loh di loh triebä, vergiss dini Sorgä & gnüss eifach dä Moment ganz für di

I kenn niemert, wo vo sich seit, er/sie fühli sich vom erstä Moment wohl vor dä Kamera. Äs isch immer ä Nervosität doh, wie vor jederä anderä Situation, wo ungwohnt isch.  I chan sehr guet nohfühle, wie das isch (zumol i sälber 100-mol lieber hinder, als vor dä Kamera stohne). Villicht chostets di sogar äs bitzli Überwindig… aber i verspriche dir, dass das schnell verbi goht und sich uf jedä Fall lohnt. Schöni Bilder vo sich z’ha, isch so wertvoll. Sie gänd üs nöd nur äs guets Gfühl, sie ermöglicheds üs, üs sälber liebevoller wohrzneh. Das isch s’gröschti Gschenk, wo ehr eui sälber chönd mache.

I leggä viel Wert druf, dass ehr eui wohl fühled, drum kümmerä ich mich um alles, was mer bruchäd. Mer träffed üs ame wunderschöne Plätzli i dä Natur, oder bi dir diheimä. I verwickle di ines Gspröch, halt di in Bewegig… mer chönd bispielswiis dini Lieblingsmusig abspielä & chli däzue abtanze. D’Kamera söll nie im Vordergrund stoh, sie isch nur Mittel zum Zweck.

Di früenä Morgä-/oder Obigstunde eignäd sich hervorragend für äs Portraitshooting. Denn stoht d’Sunne tüüfer am Himmel, d’Schatten sind weniger hart & s’Liecht schmeichlet

Ahgebot: Portrait-Shooting

Äs Portrait-Shooting mit mir duret ca. 45min, chostet CHF 290.– und ergit für dich ca. 20 usgwählti und nohbearbeiteti Bilder. Innert einerä Wuchä schicki dir än Link zunerä Online-Galerie mit dine Bilder, wo du sie chasch in voller Druckuflösig abelade.

Fahrspesen bis 30km sind inklusive

Buech jetz dis Shooting

Impressionen

Ä Uswahl vo mine Lieblings-Bilder us einigä Portraitshootings finded Ihr doh...

error: Content is protected !!